Detaje nga plagosja në Pogradec/ Autori hyri i dehur në lokal dhe qëlloi me armë drejt 5 personave

Detaje të reja zbardhen nga plagosja në një local të Pogradecit, pas mesnatës së kaluar.

Gazetarja Lorena Kodra raporton për “Balkanweb” se autori i ngjarjes, Spartak Çela, ka hyrë në lokal në gjendje të dehur dhe ka qëlluar me armë zjarri, ku për pasojë ka mbetur i plagosur shtetasi Bledi Shahini.

Burime bëjnë të ditur për gazetaren Kodra se brenda lokalit ishin edhe 4-5 bashkëfshatarë të tjerë bashkë me personin që ka mbetur i plagosur.

Ende nuk dihen arsyet e këtij konflikti, që kanë çuar në përdorimin e armëve, por burime nga policia bëjnë të ditur se Spartak Çela ka qenë i dehur, kur ka qëlluar.